Waziri wa Habari, Utamaduni, Sanaa na Michezo ambaye pia ni Mbunge wa Arusha Mjini, Mhe. Paul  Makonda, amewapongeza  Madaktari, Wauguzi na Watumishi wa Hospitali ya Wilaya ya Kaloleni kwa kutoa huduma bora, huku akiwasisitiza kuendelea na huduma hiyo bila ubaguzi.

Makonda ametoa wito huo Mei 15, 2026 alipotembelea  hospitali hiyo na kuzungumza na wananchi  wanaopata huduma kupitia  kambi ya matibabu inayofanyika hospitalini hapo na kusisitiza kuwa, kila mwananchi anayefika katika kambi hiyo anapaswa kupatiwa huduma.

“Hakikisheni hakuna mwananchi anayerejea nyumbani bila kupata matibabu anayostahili,” amesisitiza Makonda.

Ameeleza kuwa, Serikali ya Awamu ya Sita chini ya uongozi wa Rais Dkt. Samia Suluhu Hassan inaendelea kuimarisha sekta ya afya kwa kusogeza huduma karibu na wananchi ili kuongeza upatikanaji wa huduma bora na za kisasa.

Kwa upande wao, wananchi waliojitokeza katika kambi hiyo, wakizungumza kwa wakati tofauti  wamepongeza huduma zinazotolewa pamoja na ujio wa waziri Makonda ambao umeongeza faraja na kwao.

#AfyaKwaWote #Arusha #Kaloleni #Tanzania #SamiaSuluhuHassan